តើ Mutagen កកើតមកពីណា?​ (ភាគ​ ១​)

ផ្នែកខាងក្រោមនេះបានគ្របដណ្តប់ ពីរប្រភេទធំនៃ mutagens: ដែលបណ្តាលឱ្យមានការខូចខាត DNA ខុសៗគ្នា

• ផ្នែកគីមី 
• និងផ្នែកវិទ្យុសកម្ម។

I. Mutagens​ បណ្តាលមកពីលក្ខណៈគីមី

ជាទូទៅ Mutagenic សារធាតុគីមីមាន​ ៤ប្រភេទគឺ៖

1. BASE ANALOGS (បាស អាណាឡូក)

Base Analogs (បាស អាណាឡូក) គឺជាសារធាតុគីមីដែលមានរចនាសម្ព័ន្ធ ដូចគ្នាឬស្រដៀងទៅនឹងបាសទូទៅនៅក្នុង DNA។ កាលណាវត្ថុពីរមានលក្ខណៈដូចគ្នា គេឲ្យឈ្មោះថា analogous។​​ ដូចនេះ Base analogs គឺដូចឬស្រដៀងទៅនឹងបាសទូទៅធម្មតា ឬយើងអាចហៅវាបានថា ជាបាសដែលធ្វើត្រាប់តាម។

Base analogs អាចត្រូវបានបញ្ចូលទៅក្នុង DNA កំឡុងពេលចម្លង (replication) ដោយសារតែ ភាពស្រដៀងគ្នានៃរចនាសម្ព័ន្ធរបស់វាទៅនឹងបាសធម្មតា។ បាសអាណាឡូកមួយហៅថា 5-bromouracil គឺស្ទើរតែ ដូចគ្នាបេះបិទទៅនឹងបាស thymine។ ជាញឹកញាប់ 5-bromouracil (ត្រូវបានគេស្គាល់ផងដែរថាជា 5BU), ដែលត្រូវបានបង្ហាញក្នុងរូបភាពខាងក្រោម ត្រូវបានដាក់បញ្ចូលជាការជំនួស សម្រាប់ thymine ដូច្នេះវាត្រូវបានផ្គូផ្គងជាមួយ adenine ។ បញ្ហាកើតឡើងនៅពេលដែល DNA ចម្លងម្តងទៀតជាមួយ 5-bromouracil ជាផ្នែកមួយនៃខ្សែគំរូ 5BU ត្រូវបានច្រឡំថាជា cytosine និងត្រូវបានផ្គូផ្គងមិនត្រឹមត្រូវជាមួយ guanine។ 

ព្រឹត្តិការណ៍ទាំងនេះមើលទៅដូចជា៖ 5-bromouracil ត្រូវបានដាក់បញ្ចូលជាកន្លែង thymineពីមុន ដូច្នេះ T-A ក្លាយជា 5BU-A ។ បន្ទាប់ពីចម្លងបានមួយជុំ យើងទទួលបានគូ 5BU-G ដោយសាតែ 5BU ងាយនឹងមានការផ្លាស់ប្តូរគីមី ធ្វើត្រាប់តាម cytosine ដែលជាបាសធម្មតាសម្រាប់ផ្គូផ្គងជាមួយ guanine។ បន្ទាប់ពីការចម្លងជុំទីពីរ គូនេះក៏បានក្លាយទៅជា C-G ព្រោះ 5BU មិនត្រូវបានរកឃើញនៅក្នុង DNA ទូទៅទេ។ ដូច្នេះ គូ A-T ក៏បានក្លាយទៅជា​គូ C-G។