ទាំងភេទប្រុស និងភេទស្រី សុទ្ធតែអាចលើសក្រូម៉ូសូម X ដែលមានលក្ខណៈខុសៗគ្នា។ នៅពេលដែលមនុស្សស្រីមានក្រូម៉ូសូម X លើស ក្រូម៉ូសូមពីរដែលអសកម្ម ក្នុងកោសិកានីមួយៗ លក្ខខណ្ឌនេះត្រូវបានគេហៅថា ជម្ងឺ Triple X Syndrome (ឬ trisomy X) ។
ស្ត្រីដែលមានរោគសញ្ញានេះច្រើនមានកម្ពស់ខ្ពស់លើសពីការរំពឹងទុក ដោយផ្អែកលើកម្ពស់របស់សមាជិកគ្រួសារ។ ស្ត្រីភាគច្រើនដែលមានស្ថានភាពនេះ មានការលូតលាស់ធម្មតា និងឆ្លងកាត់ពេលវេលាពេញវ័យធម្មតា ជាមួយការមករដូវ និងការមានកូន។ ពួកគេអាចមាន IQ ទាបជាងការរំពឹងទុកសម្រាប់គ្រួសាររបស់ពួកគេ ប៉ុន្តែពិការភាពបញ្ញា គឺជារឿងចម្លែក។
ប្រហែល ១នាក់ ក្នុងចំណោមក្មេងស្រី ១០០០នាក់ មាន 3 ក្រូម៉ូសូម X។ ការមានក្ក្រូម៉ូសូម X ច្រើនជាង ៣ ក៏អាចកើតឡើងដែរ ប៉ុន្តែមិនងាយជួបប្រទះ។ នៅពេលដែល ក្រូម៉ូសូម X កាន់តែច្រើន ឱកាសនៃពិការភាពបញ្ញា និងបញ្ហានៃផ្នែកវេជ្ជសាស្ត្រក៏អាចកើនឡើងដូចគ្នា។
ចំពោះបុរស ដែលមានក្រូម៉សូម X លើស នឹងមានរោគសញ្ញា Klinefelter syndrome។
ប្រហែលក្មេងប្រុស ១ នាក់ក្នុងចំណោមក្មេងប្រុស ៥០០ នាក់មានក្រូម៉ូសូម X ពីរ និងក្រូម៉ូសូម Y មួយ (XXY)។ ដូចគ្នានឹងស្ត្រី បុរសដែលមានរោគសញ្ញា Klinefelter មានតែក្រូម៉ូសូម X មួយប៉ុណ្ណោះដែលសកម្មនៅក្នុងកោសិកា។ ជាទូទៅបុរសនិងស្ត្រី ដែលមានជម្ងឺ Klinefelter មានកំពស់ខ្ពស់ជាងមធ្យម និងមិនអាចបង្កកំណើតបានទេ (មិនអាចមានកូនដោយមិនប្រើប្រាស់ច្ចេកវិទ្យាបន្តពូជជំនួយ)។ ដូចគ្នានឹង aneuploidies ដ៏ទៃទៀតដែរ ឱកាសនៃការមានកូនប្រុសដែលមានក្រូម៉ូសូម X លើសនឹងកើនឡើង ទៅតាមអាយុរបស់ម្តាយនៅអំឡុងពេលវេលានៃការមានផ្ទៃពោះ។
